ಒಕ್ಕಲ ಮಾಡೆನ್ನ ಮುಕುಂದ : Okkala Madenna Mukunda

ಒಕ್ಕಲ ಮಾಡೆನ್ನ ಮುಕುಂದ

ಕೀರ್ತನಕಾರರು : ಶ್ರೀರಾಮದಾಸರು  
ರಾಗ :
ತಾಳ :  

ಒಕ್ಕಲ ಮಾಡೆನ್ನ ಮುಕುಂದ ತಂದೆ 
ಒಕ್ಕಲ ಮಾಡೆನ್ನ                                     ।।ಪ।।

ಒಕ್ಕಲ ಮಾಡೆನ್ನ ದಕ್ಕಿಸಿ ಭವದೊಳು 
ಅಕ್ಕರದಲಿ ನಿಮ್ಮ ಮಿಕ್ಕ ಪ್ರಸಾದ ನೀಡಿ        ।।ಅ.ಪ।।

ಆಸೆ ನೀಗಿಸೆನ್ನಭವದ
ಪಾಶ ತರಿಯೊ ಮುನ್ನ 
ಏಶನೆ ತವ ಪಾದ ದಾಸಾನುದಾಸರ 
ವಾಸದಿರಿಸಿ ಎನ್ನ ಪೋಷಿಸು ದಯದಿಂ          ।।೧।।

ಸೋಕ್ಕು ಮುರಿದು ಎನ್ನ ನಿಮ್ಮಯ 
ಪಕ್ಕದೆಳಕೊ ಎನ್ನ 
ತಿಕ್ಕಿ ಮುಕ್ಕುವ ಘನ ಮಕ್ಕಮಾರಿ ಸತಿಯ 
ರಕ್ಕರ‍್ಹಾರಿಸಿ ನಜರಿಕ್ಕಿ ಸಲಹು ಜೀಯ             ।।೨।।

ಜನನ ಮರಣ ಬಿಡಿಸೊ ಎನ್ನಯ 
ಮಾನವ ನಿನ್ನೊಳಿರಿಸೊ 
ವನರುಹ ಬ್ರಹ್ಮಾಂಡ ಜನನಿ ಜನಕನಾದ 
ವನಜಾಕ್ಷಿಶ್ರೀರಾಮ ಘನಮುಕ್ತಿ ಪಾಲಿಸಿ          ।।೩।।

Labels: ಒಕ್ಕಲ ಮಾಡೆನ್ನ ಮುಕುಂದ, Okkala Madenna Mukunda, ಶ್ರೀರಾಮದಾಸರು, Sriramadasaru