ಮೂರುತಿಯನೆ ನಿಲ್ಲಿಸೋ : Murutiyane Nilliso

ಮೂರುತಿಯನೆ ನಿಲ್ಲಿಸೋ

ಕೀರ್ತನಕಾರರು : ಪುರಂದರದಾಸರು
ರಾಗ : ಖಮಾಚ್
ತಾಳ : ರೂಪಕ

ಮೂರುತಿಯನೆ ನಿಲ್ಲಿಸೋ ಮಾಧವ ನಿನ್ನ          ||ಪ||

ಎಳೆ ತುಳಸಿಯ ವನಮಾಲೆಯು ಕೊರಳೊಳು
ಹೊಳೆವ ಪೀತಾಂಬರದಿಂದಲೊಪ್ಪುವ ನಿನ್ನ        ||೧||

ಮುತ್ತಿನ ಸರ ನವರತ್ನದುಂಗುರವಿಟ್ಟು
ಮತ್ತೆ ಶ್ರೀ ಲಕುಮಿಯ ಉರದೊಳೊಪ್ಪುವ ನಿನ್ನ   ||೨||

ಭಕ್ತರ ಕಲ್ಪತರು ಭಾಗ್ಯದ ಸುರಧೇನು
ಮುಕ್ತಿದಾಯಕ ಸಿರಿ ಪುರಂದರ ವಿಠಲ ನಿನ್ನ        ||೩||

Labels: ಮೂರುತಿಯನೆ ನಿಲ್ಲಿಸೋ, Murutiyane Nilliso, ಪುರಂದರದಾಸರು, Purandaradasaru