ವಿಠಲ ಓಡಿ ಬಾರೊ : Vithala Odi Baro

ವಿಠಲ ಓಡಿ ಬಾರೊ

ಕೀರ್ತನಕಾರರು : ತುಪಾಕಿ ವೆಂಕಟರಮಣಾಚಾರ್ಯರು

ವಿಠಲ ಓಡಿ ಬಾರೊ ತೊಟ್ಟಿಲನೇರೊ 
ಪುಟ್ಟ ಕಮಲದಂಥ ಬಟ್ಟ ಮುಖವ ತೋರೊ              ।।ಪ।।

ಜಟ್ಟಿಯಂದದಿ ಭುಜ ತಟ್ಟಿ ಹುಂಕರಿಸುತ ಅ-
ರಿಷ್ಟ ವೃಷಭನನ್ನು ಮೆಟ್ಟಿ ಮಡುಹಿದಂಥ                   ।।೧।।

ಹೇಷಿಕ ಭೀಷಣ ಕೇಶಿಯಂಬಸುರನ 
ಘಾಸಿಮಾಡಿದ ತೋಳ ಬೀಸುತ ಭರದಿಂದ              ।।೨।।

ಮಂದಹಾಸದಿ ಶರದಿಂದುಕಾಂತಿಯ ಗೆಲ್ವ 
ಸುಂದರ ಮುಖ ಪೂರ್ಣಾನಂದ ಗೋಪಿಯ ತಂದ      ।।೩।।

ಮೀಸಲ ನೊರೆಹಾಲು ಕಾಸಿ ಸಕ್ಕರೆ ಕೂಡಿ 
ವಾಸ ಚೂರ್ಣವನಿಕ್ಕಿ ಶ್ರೀಶನಿನ್ನೊಶಕೀವೆ                 ।।೪।।

ನಿತ್ಯ ಸುಖಾಂಬುಧೆ ನಿರವಧಿ ಫಲದ ಸ 
ರ್ವೋತ್ತಮ ಶೇಷಾದ್ರಿ ಶಿಖರೀಶ ಶ್ರೀನಿವಾಸ             ।।೫।।

Labels: ವಿಠಲ ಓಡಿ ಬಾರೊ, Vithala Odi Baro, ತುಪಾಕಿ ವೆಂಕಟರಮಣಾಚಾರ್ಯರು, Tupaki Venkataramanacharyaru

ಬಿಡು ಬಿಡು ಚಿಂತೆಯ ಮೂಢಾ : Bidu Bidu Chinteya Moodha

ಬಿಡು ಬಿಡು ಚಿಂತೆಯ ಮೂಢಾ

ಕೀರ್ತನಕಾರರು : ತುಪಾಕಿ ವೆಂಕಟರಮಣಾಚಾರ್ಯರು 
ರಾಗ :  
ತಾಳ :  

ಬಿಡು ಬಿಡು ಚಿಂತೆಯ ಮೂಢಾ ನ 
ಮ್ಮೊಡೆಯನುಪೇಕ್ಷೆಯ ಮಾಡ 
ಬಡವರ ತಪ್ಪನು ನೋಡ ಸಂ
ಗಡಲಿಹ ಗರುಡಾರೂಢ                    ।।ಪ।।

ನೆನೆವರ ಮನದಲ್ಲಿರುವ ನಿಜ 
ಜನಕೆ ದಯಾರಸ ಸುರಿವ
ಕನವಿಕೆ ಎಂಬುದ ತರಿವ ಸ್ಮರ 
ಜನಕೆ ಸಿರಿಯ ಕರೆತರುವ                  ।।೧।।

ಮಾಡುವ ಕರ್ಮಗಳೆಲ್ಲ ಪಲ 
ಕೊಡಿಸುವನು ಸಿರಿನಲ್ಲ 
ರೂಢಿಪರೊಳಗಿರಬಲ್ಲ ಬೇ 
ರಾಡುವ ಮಾತೇನಿಲ್ಲ                        ।।೨।।

ನೋಡಲು ಸಿಕ್ಕುವನಲ್ಲ ಬೇ 
ಗೋಡಿ ಪಿಡಿಯಲೊಶನಲ್ಲ 
ದೂಡುವ ದೈತ್ಯರನೆಲ್ಲ ದಯ
ಮಾಡಲಿವಗೆ ಸರಿಯಲ್ಲ                      ।।೩।।

ಸರ್ವತ್ರದಲ್ಲಿ ಸ್ಮರಿಸುವನು ರಿಪು 
ಪರ್ವಗಣ ದುಶ್ಟ್ಯವನ 
ಗರ್ವಿ ದೈತ್ಯವನದವನ ಸುರ
ಸಾರ್ವಭೌಮನೆಂಬುವನು                  ।।೪।।

ಸತಿಸುತಗ್ರಹ ಭೂಧನಕೆ ಶ್ರೀ 
ಪತಿಯೇ ಪಾಲಕನಿದಕೆ 
ವ್ಯಥೆಗೊಳದಿರು ದಿನದಿನಕೆ ಸ 
ಮ್ಮತಿನಹಿಗಿರಿಪತಿ ಘನಕೆ                   ।।೫।।

Labels: ಬಿಡು ಬಿಡು ಚಿಂತೆಯ ಮೂಢಾ, Bidu Bidu Chinteya Moodha, ತುಪಾಕಿ ವೆಂಕಟರಮಣಾಚಾರ್ಯರು, Tupaki Venkataramanacharyaru