ಬಾರೋ ಬೇಗ ನೀರಜಾಕ್ಷ
ಕೀರ್ತನಕಾರರು : ವ್ಯಾಸರಾಯರು
ರಾಗ : ಫರಜು
ತಾಳ : ರೂಪಕ
ಬಾರೋ ಬೇಗ ನೀರಜಾಕ್ಷ
ದೂರು ಇದು ಏತಕೋ ||ಪ||
ಮೊಸರು ಮಾರುವ ಗೊಲ್ಲತಿಯರ
ಅಸವಳಿಸಿ ನೀ ಕೈಯಪಿಡಿದು
ವಶವಾಗು ಎಂದು ಪೇಳಿ
ನಸುನಗುತಲಿದ್ದೆಯಂತೆ ||೧||
ಕುಸುಮಶರನ ಪೆತ್ತವನೆ
ಬಸವನಾದೆ ಊರೊಳಗೆ
ಶಶಿಮುಖಿಯರ ದೂರು ಬಹು
ಪಸರಿಸಿತು ನಾ ಪೇಳಲಾರೆ ||೨||
ಕಂದ ಕೇಳು ಇಂದುಮುಖಿಯರ
ಹೊಂದಿ ನೀನಾಡಲ್ಯಾಕೆ
ಮಂದಿರದೊಳಾಡಿ ಸಲಹೊ
ತಂದೆ ಉಡುಪಿ ಸಿರಿಕೃಷ್ಣ ||೩||
Labels: ಬಾರೋ ಬೇಗ ನೀರಜಾಕ್ಷ, ವ್ಯಾಸರಾಯರು, Vyasarayaru, Baro Bega Nirajaksha, ವ್ಯಾಸರಾಯರು, Vyasarayaru
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ