ಮರೆಯಬೇಡ ಮನವೇ ನೀನು : Mareyabeda Manave Neenu

ಮರೆಯಬೇಡ ಮನವೇ ನೀನು 

ಕೀರ್ತನಕಾರರು : ಪುರಂದರದಾಸರು 
ರಾಗ :  ಪೂರ್ವಿ   
ತಾಳ : ರೂಪಕ 

ಮರೆಯಬೇಡ ಮನವೇ ನೀನು 
ಹರಿಯ ಸ್ಮರಣೆಯಾ                       ।।ಪ।।

ಯಾಗ ಯಜ್ಞ ಮಾಡಲೇಕೆ 
ಯೋಗಿ ಯತಿಯು ಆಗಲೇಕೆ 
ನಾಗಶಯನ ನಾರದವಂದ್ಯನ 
ಕೂಗಿ ಭಜನೆ ಮಾಡೊ ಬೇಗೆ            ।।೧।।

ಸತಿಯು ಸುತರು ಹಿತರು ಎಂದು 
ಮತಿಯಗೆಟ್ಟು ಕೆಡಲಿಬೇಡ 
ಗತಿಯು ತಪ್ಪಿ ಹೋಗುವಾಗ 
ಸತಿಯು ಸುತರು ಬಾಹೊರೇನು        ।।೨।।

ಹರಿಯ ಸ್ಮರಣೆ ಮಾತ್ರದಿಂದ 
ಘೋರ ದುರಿತವೆಲ್ಲ ನಾಶ 
ಪರಮಪುರುಷ ಪುರಂದರವಿಠಲ 
ಪದವಿ ಕೊಡುವ ಪವನನಯ್ಯ            ।।೩।।

Labels: ಮರೆಯಬೇಡ ಮನವೇ ನೀನು, Mareyabeda Manave Neenu, ಪುರಂದರದಾಸರು, Purandaradasaru