ಆರು ಪೇಳಿದರೋ ಜೀವಾ : Aru Pelidaro Jiva

ಆರು ಪೇಳಿದರೋ ಜೀವಾ

ಕೀರ್ತನಕಾರರು : ಹನುಮೇಶ ವಿಠಲ
ರಾಗ :  ಭೈರವಿ
ತಾಳ : ಬಿಲಂದಿ 

ಆರು ಪೇಳಿದರೋ ಜೀವಾ 
ನಿನಗಾರು ಪೇಳಿದರೋ                                           ।।ಪ।।

ಆರು ಪೇಳಿದರೋ ಈ ಸೋರುವ ಮನೆಯೊಳು 
ಇರುವುದು ಒಳಿತಲ್ಲಾ ತೆರಳುವದುಚಿತವೇ                  ।।ಅ.ಪ।।

ದುಷ್ಟರಿರುವರೋ 
ಈ ಗೃಹದೊಳು ಕಟ್ಟಿ ಸುಲಿಯುವರೋ 
ಇಟ್ಟಿದ್ದ ಅನ್ನದಿ 
ಕೆಟ್ಟ ಕ್ರಿಮಿಗಳುಂಟು 
ಮುಟ್ಟಿ ಬಳಸುವರಿಲ್ಲ ಹೊಟ್ಟೆ ತುಂಬದೋ ಅಲ್ಲಿ             ।।೧।।

ಛಾಯವು ಇಲ್ಲಾ 
ಈ ಮನೆಯೊಳು 
ದಾಯವೂ ಇಲ್ಲಾ 
ಬಾಯ ಬಿಡಿಸುವರೋ 
ಅನ್ಯಾಯ ಮಾಡುವರೋ 
ಉಪಾಯದಿಂದಲಿ ಬಿಟ್ಟು
ಹಯವದನ ಸೇರೋ                                              ।।೨।।

ತರುಣರಿರುವರೋ 
ಈ ಮನೆಯೊಳು 
ಮರುಳು ಮಾಡುವರೋ 
ಪರಮ ಪುರುಷ ನಮ್ಮಾ ಹನುಮೇಶ ವಿಠಲನ 
ನೆರೆನಂಬಿ ಸ್ಮರಿಸುವ ಸ್ಥಿರ ಪದವನು ಸೇರೋ               ।।೩।।

Labels: ಆರು ಪೇಳಿದರೋ ಜೀವಾ, Aru Pelidaro Jiva, ಹನುಮೇಶ ವಿಠಲ, Ranga Hanumesha Vithala