ಚಿಂತೆಯನು ಮಾಡದಿರು ಚದುರೆ : Chinteyanu Maadadiru Chadure

ಚಿಂತೆಯನು ಮಾಡದಿರು ಚದುರೆ 

ಕೀರ್ತನಕಾರರು : ಶ್ರೀಪಾದರಾಜರು 
ರಾಗ :  ಮೋಹನ
ತಾಳ : ಝಂಪೆ 
 
ಚಿಂತೆಯನು ಮಾಡದಿರು ಚದುರೆ ನಿನಗೆ ನಾನು 
ಕಂತುಪಿತನನು ತೋರುವೆ                                     ।।ಪ।।

ಸಂತೊಷದಿಂದ ಸರ್ವಾಭರಣವಿಟ್ಟುಕೊಂಡು 
ನಿಂತು ಬಾಗಿಲೊಳು ನೋಡೆ ಪಾಡೆ                           ।।ಅ.ಪ।।

ಒಂದು ಕ್ಷಣ ಪಾದಾರವಿಂದ ತೊಳೆದು ಕುಡಿದು 
ಮಂದಹಾಸದಲಿ ನಲಿದು 
ಒಂದೆ ಮನದಲಿ ದಿವ್ಯಗಂಧವನು ತಂದ್ಹಚ್ಚಿ
ನಂದದಿಂದವನ ಮೆಚ್ಚಿ
ಅಂದವಾದ ಕುಸುಮಹಾರವನು ಸುಖನಿಧಿಗೆ 
ಕಂಧರದಿ ನೀಡಿ ನೋಡಿ 
ಸಂದೇಹ ಬಿಟ್ಟು ಬಿಗಿದಪ್ಪಿ ಮನವೊಂದಾಗಿ 
ಎಂದೆಂದಿಗಗಲದಿರೆನ್ನ ರನ್ನೆ                                     ।।೧।।

ಆಸನವ ಕೊಟ್ಟು ಕಮಲಾಸನನ ಪಿತಗೆ ಸವಿ 
ಯೂಟಗಳನುಣ್ಣಿಸಿ 
ಲೇಸಾಗಿ ತಾಂಬೂಲ ತಬಕದಲಿ ತಂದಿಟ್ಟು 
ವಾಸನೆಗಳನೆ ತೊಟ್ಟು 
ಸೂಸುವ ಸುಳಿಗುರುಳುಗಳ ತಿದ್ದುತಲಿ ನಕ್ಕು 
ಶ್ರಿಶನ್ನ ಮರೆಯ ಹೊಕ್ಕು 
ಆ ಸಮಯದಲಿ ನಿನಗೆ ದಾಸಿ ಎನ್ನಯ ಮನದಿ 
ವಾಸವಾಗು ಬಿಡದೆ ಎನ್ನ ರನ್ನೆ                                   ।।೨।।

ಇಂತು ಈ ಪರಿಯಲ್ಲಿ ಶ್ರೇಕಾಂತನನು ಕೂಡಿ ಏ 
ಕಾಂತದಲ್ಲಿ ರತಿಯ ಮಾಡಿ 
ಸಂತೋಷವನು ಪಡಿಸಿ ಸಕಲ ಭೋಗವ ತಿಳಿಸಿ 
ಸಂತತ ಸ್ನೇಹ ಬೆಳೆಸಿ 
ಅಂತರಂಗಕ್ಕೆ ಹಚ್ಚಿ ಅವನಾಗಿ ತಾ ಮೆಚ್ಚಿ 
ಪ್ರೀತಿಯಿಂದಧರ ಕಚ್ಚಿ 
ಕಂತುಕೇಳಿಯೊಳು ಕಡು ಚೆಲ್ವ ರಂಗವಿಠಲ 
ಇಂತು ನಿನ್ನಗಲ ಕಾಣೆ ಜಾಣೆ                                      ।।೩।।

Labels: ಚಿಂತೆಯನು ಮಾಡದಿರು ಚದುರೆ, Chinteyanu Maadadiru  Chadure, ಶ್ರೀಪಾದರಾಜರು, Sripadarajaru