ಬಂಧುಗಳದಾರಿಗಾರಿದ್ದರೇನ : Bandhugaladarigariddarenu

ಬಂಧುಗಳದಾರಿಗಾರಿದ್ದರೇನು ಇಷ್ಟ 

ಕೀರ್ತನಕಾರರು : ಕನಕದಾಸರು  
ರಾಗ :  ಆರಭಿ  
ತಾಳ : ಅಟ್ಟ  

ಬಂಧು ತ್ರಿಜಗಕೆ ಶ್ರೀ ಹರಿಯಲ್ಲದೆ ಮಿಕ್ಕ 
ಬಂಧುಗಳದಾರಿಗಾರಿದ್ದರೇನು                                             ।।ಪ।।

ನೆಗಳ ಕೈಯಲ್ಲಿ ಮಾತಂಗವು ಸಿಕ್ಕಿ ಒದರಲಾಗಿ ಆ 
ನೆಗಳೇನ ಮಾಡುತಿರ್ದವಡವಿಯಲ್ಲಿ 
ನಗಜೆಯಾಳ್ದನ ಬ್ರಹ್ಮೇತಿ ಬಂದು ಕಡಲಾಗಿ ರುದ್ರಾ 
ದಿಗಳೇನ ಮಾಡುತಿರ್ದರಾ ಶೈಲದೊಳಗೆ                              ।।೧।।

ದಿಂಡೆಯ ಮಾರ್ಗದಿ ಮಲತಾಯಿ ಮಗನ ಹೊಡೆಯಲು 
ಮಂಡಲಪತಿ ಏನ ಮಾಡುತಿರ್ದನು 
ಮಿಂಡಿ ಪೆಣ್ಣನು ಸಭೆಯಲಿ ಸೀರೆ ಸುಲಿಯಲು 
ಗಂಡರೈವರು ನೋಡಿ ಏನು ಮಾಡುತಿರ್ದರಯ್ಯ                    ।।೨।।

ಮೃಗ ಚಕ್ರವರ್ತಿ ಬಹುವರನಾಗಿ ಪೋಗುತ್ತಿರೆ 
ಮಿಗೆ ಸತಿಸುತರೇನ ಮಾಡುತಿರ್ದರು 
ಮೃಗ ಮಾನವಾಕಾರ ಕಾಗಿನೆಲೆಯಾದಿಕೇಶವನಲ್ಲದೆ 
ಮಿಗು ಬಂಧುಗಳದಾರಿಗಾರಿದ್ದರೇನು                                    ।।೩।।

Labels: ಬಂಧುಗಳದಾರಿಗಾರಿದ್ದರೇನ, Bandhugaladarigariddarenu, ಕನಕದಾಸರು, Kanakadasaru