ಆವಕಾರಣ ಮೊಗವ ತಿರುಹಿದ್ಯೋ : Avakaarana Mogava Tiruhidyo

ಆವಕಾರಣ ಮೊಗವ ತಿರುಹಿದ್ಯೋ

ಕೀರ್ತನಕಾರರು : ಜಗನ್ನಾಥದಾಸರು   
ರಾಗ :  ಕಾಂಬೋದಿ 
ತಾಳ : ಝಂಪೆ 

ಆವಕಾರಣ ಮೊಗವ ತಿರುಹಿದ್ಯೋ ಪೇಳು 
ಭೂವರಾಹ ಸ್ವಾಮಿಪುಷ್ಕರಣೀತೀರಗನೆ                      ।।ಪ।।

ರಥಸಮೂಹಗಳೇರಿ ಪ್ರಕಾಶಿಪ ಬಗೆಯೊ 
ಸತಿಯ ಲಾವಣ್ಯಾತಿಶಯವ ನೋಡುವ ಬಗೆಯೊ
ಮಿತಿಯಿಲ್ಲದಸುರರ ಉಪೇಕ್ಷೆ ಮಾಡುವ ಬಗೆಯೊ 
ಪತಿತಪಾವನ ಪೂರ್ಣಕಾಮ ನಿನಗೆ 
ನುತಿಸಿ ಬಿನ್ನೈಸುವೆನು ಪೇಳೊ                                 ।।೧।।

ಭಜಕರೆನ್ನನು ಬಿಡರೆಂಬ ಮನಸಿನ ಬಗೆಯೊ 
ಅಜಭವಾದಿಗಳ ಸಂಸ್ತುತಿಗಳಾಲಿಪ ಬಗೆಯೊ 
ರಜನೀಚರರ ಸದೆದು ನಾಟ್ಯವಾಡುವ ಬಗೆಯೊ 
ಭುಜಗಭೂಷಣಪೂಜ್ಯಚರಣ 
ತ್ರಿಜಗದ್ವಿಲಕ್ಷಣ ಸುರೂಪನಿರ್ಲೇಪ                             ।।೨।।

ಅನುಗರೊಶ ನೀನಾದಡೆಮ್ಮನು ಮರೆವರೆಂದು 
ವನಿತೆಗಾರರಿಯದಂತುಪದೇಶಿಸುವ ಬಗೆಯೊ 
ಘನಲಕ್ಷಣಮುಖಾಬ್ಜವನು ಚುಂಬಿಸುವ ಬಗೆಯೊ 
ವನಜಸಂಭವನಾಸ್ಯಜನೆ ಜಗ 
ಜ್ಜನಕ ಜಗನ್ನಾಥವಿಠಲ                                           ।।೩।।

Labels: ಆವಕಾರಣ ಮೊಗವ ತಿರುಹಿದ್ಯೋ, Avakaarana Mogava Tiruhidyo, ಜಗನ್ನಾಥದಾಸರು, Jagannathadasaru