ಏಕೆ ಮಲಗಿಹೆ ಹರಿಯೆ : Eke Malagihe Hariye

ಏಕೆ ಮಲಗಿಹೆ ಹರಿಯೆ 

ಕೀರ್ತನಕಾರರು : ಗೋಪಾಲದಾಸರು
ರಾಗ :  ಬಿಳಹರಿ
ತಾಳ : ಝಂಪೆ 

ಏಕೆ ಮಲಗಿಹೆ ಹರಿಯೆ ಏಸು ಆಯಾಸ 
ಜೋಕೆಮಾಡುವ  ಬಿರುದು ಸಾಕಾಯಿತೇನೊ                ।।ಪ।।

ತಮನೊಡನೆ ಹೋರಾಡಿ ತಪಿಸಿ ಮೈ ಬೆವರಿತೊ 
ಅಮೃತಮಥನದಿ ಗಿರಿಯು ಅತಿಭಾರವಾಯ್ತೊ
ರಮಣಿಯನು ತರುವಾಗ ರಣರಂಗ ಬಹಳಾಯ್ತೊ 
ಅಮರರಿಪುವನು ಸೀಳೆ ಕರ ಸೋತಿತೊ                      ।।೧।।

ಆಕಾಶ ಭೇದಿಸಲು ಆ ಕಾಲು ಉಳುಕಿತೊ 
ಕಾಕುನೃಪರನು ಸೀಳಿ ಕರ ಸೋತಿತೊ 
ಭೂದೇವಿಯನರಸಿ ಬಳಲಿಕೆಯು ಬಹಳಾಯ್ತೊ 
ಲೋಕಭಾರವ ಇಳುಹಿ ಸಾಕುಸಾಕಾಯ್ತೊ                     ।।೨।।

ಚಪಲೆಯರ ಮೋಹಿಸಲು ಉಪಟಳವು ಬಹಳಾಯ್ತೊ 
ಅಪವಿತ್ರನಡಗಿಸಲು ಅಧಿಕ ಶ್ರಮವಾಯ್ತೊ 
ಕೃಪೆಮಾಡಿ ನೋಡಯ್ಯ ಕಣ್ಣು ತೆರೆದು ಎನ್ನಕಡೆ 
ಕಪಟನಾಟಕ ಶ್ರೀ ಗೋಪಾಲವಿಠಲ                             ।।೩।।


Labels: ಏಕೆ ಮಲಗಿಹೆ ಹರಿಯೆ, Eke  Malagihe Hariye, ಗೋಪಾಲ ದಾಸರು, Gopaladasaru