ಮೋಹ ಬೇಡಣ್ಣಾ ಸಂಸಾರದೊಳು : Moha Bedanna Samsaradolu

ಮೋಹ ಬೇಡಣ್ಣಾ ಸಂಸಾರದೊಳು

ಕೀರ್ತನಕಾರರು : ಕಾಖಂಡಕಿ ಕೃಷ್ಣರಾಯರು  
ರಾಗ :  ಮಾಂಡ 
ತಾಳ : ಕೇರವಾ 

ಮೋಹ ಬೇಡಣ್ಣಾ ಸಂಸಾರದೊಳು                ।।ಪ।।

ಎರವಿನ ಕಂಗಳು ಎರವಿನ ಶ್ರುತಿಯು 
ಎರವಿನ ನಾಸಿಕ ಎರವಿನ ನಾಲಿಗೆ 
ಎರವಿನ ಕರಗಳು ಎರವಿನ ಪಾದವು 
ಎರವಿನ ಬುದ್ಧಿ ಎರವಿನ ಬದುಕು                   ।।೧।।

ಎರವಿನ ಹಣಗಳು ಎರವಿನ ಭೂಷಣ 
ಎರವಿನ ವಾಹನ ಎರವಿನ ಸಿರಿ ಸುಖ 
ಎರವಿನ  ತರುಣಿಯರು ಎರವಿನ ಸುತರು 
ಎರವಿನ ಬಂಧು ಎರವಿನ ಬಳಗಾ                 ।।೨।।

ಹರಿಯೇ ಕರ್ತನು ಹರಿಸೂತ್ರಾತ್ಮನು 
ಗುರುಮಹಿಪತಿ ಪ್ರಭು ಹರಿ ಪರವೆಂದು 
ಹರಿಯನೆ ಸ್ಮರಿಸಿ ಹರಿಯನೇ ಧ್ಯಾನಿಸಿ
ಹರಿಯನೆ ಪೂಜಿಸಿ ಹರಿ ಪದಹೊಂದು             ।।೩।।

Labels: ಮೋಹ ಬೇಡಣ್ಣಾ ಸಂಸಾರದೊಳು, Moha Bedanna Samsaradolu, ಕಾಖಂಡಕಿ ಕೃಷ್ಣರಾಯರು,  Kakhandaki Krishnarayaru