ಕಳವು ಕಲಿಸಿದರ್ಯಾರೊ ನಿನಗೆ : Kalavu Kalisidaryaro Ninage

ಕಳವು ಕಲಿಸಿದರ್ಯಾರೊ ನಿನಗೆ 

ಕೀರ್ತನಕಾರರು : ಹರಪನಹಳ್ಳಿ ಭೀಮವ್ವ

ಕಳವು ಕಲಿಸಿದರ್ಯಾರೊ ನಿನಗೆ ಕಂಜನಾಭನೆ            ।।ಪ॥ 

ಕೇರಿ ಕೇರಿ ಮನೆಗಳಲ್ಲಿ 
ಕ್ಷೀರ ಗಡಿಗೆಯನೊಡಿವರೇನಲ್ಲಿ 
ಚೋರತನವ ನೀ ಕಲಿತಿಹುದೆಲ್ಲಿ 
ಜಾರನೆನಿಸಿಕೊಂಬುವುದು ಕೇಳಿ ಬಲ್ಲೆ                         ।।೧।।

ಅಟ್ಟದ ಮ್ಯಾಲಿಟ್ಟಿದ್ದ ಬೆಣ್ಣಿ 
ಚಟ್ಟಿಗಿಯ ಒಡೆದಾಕಳ ಕಣ್ಣಿ 
ಕಟ್ಟಿ ಜುಟ್ಟ ಇವರ ಮನೆ ಹೆಣ್ಣಿ-
ಗಿಟ್ಟು ಮಾಡುವರೆ ಕಣ್ಣು ಸೋನ್ನಿ                                ।।೨।।

ಬಡವರ ಮನಿ ಅನ್ನದಲಿಷ್ಟು
ತುಡುಗುತನವ ನೀ ಮಾಡುವುದೆಷ್ಟು 
ಪಿಡಿಯಲವರಿಗೆ ಬರುವುದತಿ ಸಿಟ್ಟು
ಹಿಡಿದು ಹಾಕೋರು ನಿನಗೊಂದು ಪೆಟ್ಟು                      ।।೩।।

ಕಡೆದ ಬೆಣ್ಣೆ ಕಾಸಿದ ತುಪ್ಪ 
ಕೊಡುವೆನ್ಹಾಲು ನೀ ಕುಡಿಯದಲ್ಯಾಕೊ 
ಮಡದಿಯರ ಸರಿ ನಿಂಗೇನು ಬೇಕೊ 
ಕೇಳಿ ಬ್ಯಾಸರಾದೆನು ನಿನ್ನ ವಾಕು                              ।।೪।।

ಬಣ್ನದ್ವಲ್ಲಿ ಛಾದರ ಹೊದ್ದು 
ಅಣ್ಣ ರಾಮರಲ್ಯಾಡದೆ ಇದ್ದು 
ಹೆಣ್ಣುಮಕ್ಕಳುಡುವ ಸೀರಿ ಕದ್ದು 
ಇನ್ನು ಮರನೇರುವುದೇನು ಮುದ್ದು                             ।।೫।।

ನಂದಗೋಪನ ಮುಂದ್ಹೇಳಿ ಸಿಟ್ಟು 
ಇಂದು ಬಿಡಿಸುವೆ ಭೀಮೇಶ ಕೃಷ್ಣ 
ಮಂದಿ ಮಕ್ಕಳೊಳಗೆ ನೀನೆ ಶ್ರೇಷ್ಠ ಹಾ-
ಗೆಂದು ಬೇಡಿಕೊಂಬುವುದೊ ನೀಡಿಷ್ಟ                          ।।೬।।


Labels: ಕಳವು ಕಲಿಸಿದರ್ಯಾರೊ ನಿನಗೆ, Kalavu Kalisidaryaro Ninage,  ಹರಪನಹಳ್ಳಿ ಭೀಮವ್ವನವರು, Harapanahalli Bheemavvanavaru