ಬೃಂದಾವನವೇ ಮಂದಿರವಾಗಿಹ
ಕೀರ್ತನಕಾರರು : ಪುರಂದರದಾಸರು
ರಾಗ : ಕಾಪಿ
ಬೃಂದಾವನವೇ ಮಂದಿರವಾಗಿಹ ಇಂದಿರೆ ಶ್ರೀ ತುಳಸಿ
ನಂದನಂದನ ಮುಕುಂದಗೆ ಪ್ರಿಯಳಾದ ಚಂದದ ಶ್ರೀ ತುಳಸಿ ||ಪ||
ತುಳಸಿಯ ವನದಲಿ ಹರಿ ಇಹನೆಂಬುದು ಶ್ರುತಿ ಸಾರುತಿದೇ ಕೇಳಿ
ತುಳಿಸಿಯ ದರುಶನದಿಂದ ದುರಿತಗಳೆಲ್ಲ ಹರಿದು ಪೋಗುವುದು ಕೇಳಿ
ತುಳಸಿಯ ಸ್ಪರ್ಶದಿಂದ ದೇಹಪಾವನವೆಂದು ನೀವೆಲ್ಲ ತಿಳಿದು ಕೇಳಿ
ತುಳಸಿ ಸ್ಮರಣೆ ಮಾದಿ ಸಕಲ ಇಷ್ಟವ ಪಡೆದು ಸುಖದಲ್ಲಿ ಬಾಳಿ ||೧||
ಮೂಲ ಮೃತ್ತಿಕೆಯನು ಧರಿಸಿದ ಮಾತ್ರದಿ ಮೂರುಲೋಕ ವಶವಾಗುವುದು
ಮಾಲೆಗಳನ್ನೆ ಕೊರಳಲಿ ಇಟ್ಟ ಮನುಜಗೆ ಮುಕ್ತಿ ಮಾರ್ಗವನು ನೀಡುವುದು
ಕಾಲಕಾಲಗಳಲ್ಲಿ ಮಾಡಿದ ದುಷ್ಕರ್ಮ ಕಳೆದು ಬಿಸುಟ್ಟು ಪೋಗುವುದು
ಕಾಲನ ದೂತರ ಅಟ್ಟಿ ಕೈವಲ್ಯವ ಲೀಲೆಯ ತೋರುವಳು ||೨||
ಧರೆಯೊಳು ಸುಜನರ ಮರೆಯದೆ ಸಲಹುವ ವರಲಕ್ಷ್ಮಿ ಶ್ರೀ ತುಳಸಿ
ಪರಮ ಭಕ್ತರ ಪಾಪಗಳನು ತರಿದು ಪಾವನ ಮಾಡುವಳು ತುಳಸಿ
ಸಿರಿ ಆಯು ಪುತ್ರಾದಿ ಸಂಪತ್ತುಗಳನ್ನು ಇತ್ತು ಹರುಷ ನೀಡುವಳು ತುಳಸಿ
ಪುರಂದರವಿಠಲನ್ನ ಚರಣ ಕಮಲದ ಸ್ಮರಣೆ ಕೊಡುವಳು ತುಳಸಿ ||೩||
Labels: ಬೃಂದಾವನವೇ ಮಂದಿರವಾಗಿಹ , Brindavanave Mandiravagiha, ಪುರಂದರದಾಸರು, Purandaradasaru
ಕೀರ್ತನಕಾರರು : ಪುರಂದರದಾಸರು
ರಾಗ : ಕಾಪಿ
ಬೃಂದಾವನವೇ ಮಂದಿರವಾಗಿಹ ಇಂದಿರೆ ಶ್ರೀ ತುಳಸಿ
ನಂದನಂದನ ಮುಕುಂದಗೆ ಪ್ರಿಯಳಾದ ಚಂದದ ಶ್ರೀ ತುಳಸಿ ||ಪ||
ತುಳಸಿಯ ವನದಲಿ ಹರಿ ಇಹನೆಂಬುದು ಶ್ರುತಿ ಸಾರುತಿದೇ ಕೇಳಿ
ತುಳಿಸಿಯ ದರುಶನದಿಂದ ದುರಿತಗಳೆಲ್ಲ ಹರಿದು ಪೋಗುವುದು ಕೇಳಿ
ತುಳಸಿಯ ಸ್ಪರ್ಶದಿಂದ ದೇಹಪಾವನವೆಂದು ನೀವೆಲ್ಲ ತಿಳಿದು ಕೇಳಿ
ತುಳಸಿ ಸ್ಮರಣೆ ಮಾದಿ ಸಕಲ ಇಷ್ಟವ ಪಡೆದು ಸುಖದಲ್ಲಿ ಬಾಳಿ ||೧||
ಮೂಲ ಮೃತ್ತಿಕೆಯನು ಧರಿಸಿದ ಮಾತ್ರದಿ ಮೂರುಲೋಕ ವಶವಾಗುವುದು
ಮಾಲೆಗಳನ್ನೆ ಕೊರಳಲಿ ಇಟ್ಟ ಮನುಜಗೆ ಮುಕ್ತಿ ಮಾರ್ಗವನು ನೀಡುವುದು
ಕಾಲಕಾಲಗಳಲ್ಲಿ ಮಾಡಿದ ದುಷ್ಕರ್ಮ ಕಳೆದು ಬಿಸುಟ್ಟು ಪೋಗುವುದು
ಕಾಲನ ದೂತರ ಅಟ್ಟಿ ಕೈವಲ್ಯವ ಲೀಲೆಯ ತೋರುವಳು ||೨||
ಧರೆಯೊಳು ಸುಜನರ ಮರೆಯದೆ ಸಲಹುವ ವರಲಕ್ಷ್ಮಿ ಶ್ರೀ ತುಳಸಿ
ಪರಮ ಭಕ್ತರ ಪಾಪಗಳನು ತರಿದು ಪಾವನ ಮಾಡುವಳು ತುಳಸಿ
ಸಿರಿ ಆಯು ಪುತ್ರಾದಿ ಸಂಪತ್ತುಗಳನ್ನು ಇತ್ತು ಹರುಷ ನೀಡುವಳು ತುಳಸಿ
ಪುರಂದರವಿಠಲನ್ನ ಚರಣ ಕಮಲದ ಸ್ಮರಣೆ ಕೊಡುವಳು ತುಳಸಿ ||೩||
Labels: ಬೃಂದಾವನವೇ ಮಂದಿರವಾಗಿಹ , Brindavanave Mandiravagiha, ಪುರಂದರದಾಸರು, Purandaradasaru
ಭಕ್ತಿ ಬೇಕ್ಕೆಂಧರೆ ತುಳಸಿ ಸೇವೆ ಅಗತ್ಯ. ಜೈ ಶ್ರೀಲ ಪ್ರಭುಪಾದರ!
ಪ್ರತ್ಯುತ್ತರಅಳಿಸಿ